काँग्रेसमध्ये मतभेद; पत्रकार परिषदेतून उठून गेले नेते, विरोधी पक्ष नेत्यांसह ज्येष्ठ नेत्यांची नाराजी

अकोला, :  महानगरपालिकेतील भ्रष्टाचाराच्या मुद्यावरून आयुक्तांवर कारवाई व मनपा बरखास्तीची मागणी करण्यासाठी काँग्रेसने बुधवारी बोलाविलेल्या पत्रकार परिषदेतच काँग्रेस नेत्यांमधील मतभेद उफाळून आले. मागणीबाबत नेत्यांमध्येच एकवाक्यता नसल्याने पत्रकार परिषद सुरू असतानाच मनपा विरोधी पक्ष नेते साजिद खान पठाण, ज्येष्ठ नेते रमाकांत खेतान उठून गेले.

हेही वाचा - ऐऽऽ शंकरपाळ्या! 'एका चापटीत खाली पाडीन, दुसरी लागू बी देणार नाई', दोघांच्या भांडणाचा व्हिडीओ सुसाट....

महानगरपालिकेतील गुंठेवारीस अनेक विषयांच्या भ्रष्टाचाराचा लेखाजोखा माध्यमांपुढे मांडण्यासाठी काँग्रेसचे पदाधिकारी व इंटक नेते प्रदीप वखारिया यांनी बुधवारी पत्रकार परिषद बोलाविली होती. या पत्रकार परिषदेत त्यांनी मनपा आयुक्त व सत्ताधारी भाजपवर अनेक आरोप केले.

हेही वाचा - शंकरपाळ्या अन् कारल्याच्या भांडणात छोट्या भावाची एन्ट्री, वाद मिटणार की आणखी वाढणार?

या कामांची चौकशी करून मनपा बरखास्तीची मागणीही त्यांनी केली. पत्रकार परिषदेत माध्यमांच्या प्रतिनिधी प्रश्न विचारीत असताना आयोजकांऐवजी काँग्रेसेच्या इतर काही नेत्यांनी उभे राहून स्पष्टीकरण देण्यास सुरुवात केली. याशिवाय ज्यांचा पक्षाही काही संबंध नाही, अशा एका युवकानेही पुढे येत मनपा बांधकाम विभागाचे कार्यकारी अभियंता अजय गुरज यांच्यावर आरोप केलेत. आरोपांबाबत काँग्रेस नेत्यांकडे कोणतेही स्पष्टीकरण नसल्याने माध्यमांच्या प्रश्नांवर त्यांना निट उत्तरही देता आली नाही.

हेही वाचा - खरं सांगा दीप सिद्धू तुमचा कोण लागतो? आमदार अमोल मिटकरींचा आशिष शेलारांना सवाल

त्यातच पत्रकार परिषद सुरू असताना काँग्रेसच्या नेत्यांमधील मतभेदही उफाळून आले. पत्रकार परिषद सुरू असतानाच काँग्रेसचे ज्येष्ठ नेते रमाकांत खेतान उठून गेलेत. त्यांच्यापाठोपाठ मनपातील विरोधी पक्ष नेते साजित खान पठाण यांनीही पत्रकार परिषद अर्धवट सोडल्याने त्यांचेही वखारीया यांच्या विचारांशी सहमत नसल्याचे दिसून आले. त्यापूर्वीच पक्षातील काही युवा पदाधिकारी निघून पत्रकार परिषद सोडून निघून गेले होते.

हेही वाचा - प्रेमात आंधळा झालेल्या प्रियकरचा असाही प्रताप, धक्कादायक पाऊल उचलल्याने पोलिसांच्याही डोक्याला ताप

पक्षा नेतृत्वाकडे करणार तक्रार
मनपाच्या कारभाराबाबत काँग्रेसच्या नावाने पत्रकार परिषद घेणाऱ्यांची काँग्रेसचे महानगराध्यक्ष बबनराव चौधरी आणि प्रदेश पक्ष नेतृत्वाकडे तक्रार करणार असल्याचे मनपा विरोधी पक्ष नेते साजिद खान पठाण यांनी माध्यमांशी बोलताना सांगितले.

(संपादन - विवेक मेतकर)

अकोला जिल्ह्यातील बातम्या - क्लिक करा