भाजपकडून १४ जागांसाठी ८० इच्छुकांच्या मुलाखती

अकोला ः जिल्हा परिषद, पंचायत समितीच्या पाेटनिवडणुकीसाठी भाजपने १५४ इच्छुकांच्या मुलाखतीही घेतल्या. यात जि.प.च्या १४ रिक्त जागांसाठी ८० इच्छुकांचा तर प.सं.च्या २८ जागांसाठी ७४ जणांचा समावेश आहे. भाजपच्या प्रदेशास्तरावरील नेत्यांनी यापूर्वीच सर्व िरक्त जागांवर ओबीसी समाजातील उमेदवारांना संधी देणार असल्याचे जाहीर केले तरी अकोल्यात मुलाखती घेताना सर्वच जाती-धर्माचे इच्छुक उपस्थित होते. (BJP interviews 80 aspirants for 14 seats)

सर्वोच्च न्यायालयाच्या आदेशामुळे रिक्त झालेल्या ओबीसींच्या जागांवर येत्या १९ जुलै रोजी पोटनिवडणूक होणार आहे. त्यासाठी ता. ३० जून राेजी भाजप पक्ष कार्यालयात इच्छुकांच्या मुलाखती घेण्यात आल्यात. मुलाखती प्रदेश उपाध्यक्ष व जिल्हा प्रभारी माजी मंत्री डाॅ. संजय कुटे, विदर्भ संघटन मंत्री डॉ. उपेंद्र कोठेकर, जिल्हाध्यक्ष आमदार रणधीर सावरकर, आ. प्रकाश भारसाकळे, आ. हरीश पिंपळे, तेजराव थोरात कुसुम भगत, विजय अग्रवाल, मनीराम टाले, माधव मानकर, उमेश पवार आदींनी घेतल्या.

पद गमावणाऱ्या सदस्यांकडूनही उमेदवारीची मागणी
सर्वाेच्च न्यायालयाच्या निकालानंतर भाजपच्या कुटासा (स्री) सर्कलच्या कोमल पेटे, बपोरी- माया कावरे, घुसर- पवन बुटे यांचे सदस्यत्व रद्द झाले हाेते. त्यामुळे आता त्यांनी पुन्हा पक्षाकडे उमेदवारी मागितली आहे. भाजप त्यांना संधी देते की, नवा गडी नवा राज हे धोरण अवलंबिले जाते याकडे सर्वांचे लक्ष लागले आहे.

BJP interviews 80 aspirants for 14 seats