Corona Update Akola : सलग दुसऱ्या दिवशी १९६ कोरोनाचे पॉझिटिव्ह!

अकोला : कोरोना संसर्ग (corona virus) तपासणीचे (RT-PCR test) ६७१ अहवाल प्राप्त झाले. त्यात १५४ जणांचे अहवाल पॉझिटीव्ह (Corona Positive) आले, तसेच खाजगी लॅब मधून नऊ असे एकूण १६३ जणांचे अहवाल पॉझिटीव्ह आले, तर रॅपिड ॲन्टीजेन चाचणी ३३ असे एकूण पॉझिटिव्ह १९६ रुग्णांचे अहवाल पॉझिटिव्ह आलेत. मंगळवारीसुद्धा अकोला जिल्ह्यात १९९ जणांचे अहवाल पॉझिटिव्ह आले होते. (Akola Corona and omicron Update)

बुधवारी दिवसभरात आरटीपीसीआर चाचण्यात शासकीय वैद्यकीय महाविद्यालयाच्या अहवालात १५४ जणांचा अहवाल पॉझिटीव्ह आला. त्यात ११८ महिला व ३६ पुरुष रुग्ण आहेत. त्यातील ११६ जण हे अकोला शहरातील, अकोट तालुक्यातील १३, मूर्तिजापूर येथील ११, अकोला ग्रामीण येथील सात, बार्शीटाकळी येथील चार, बाळापूर येथील तीन रहिवासी आहेत. खाजगी लॅबच्या अहवालात नऊ जणांचा अहवाल पॉझिटीव्ह आला.

४८ जणांना डिस्चार्ज

बुधवारी दिवसभरात होम आयसोलेशन येथून ४८ जणांना डिस्चार्ज देण्यात आला, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.

७३५ जणांवर उपचार सुरू

जिल्ह्यात सद्यस्थितीत ७३५ जणांवर उपचार सुरू आहेत. यातील बहुतांश रुग्णांवर होम आयसोलेशनमध्ये उपचार सुरू आहेत.