श्रीरामपूर - भोकर येथील महाविद्यालयीन विद्यार्थिनी मयुरी उर्फ गौरी रावसाहेब पवार (वय २३) हिने झाडाला ओढणीने गळफास घेवून आत्महत्या केली. याप्रकरणी तालुका पोलिसात नोंद करण्यात आली आहे. गुरुवारी (ता.३१) मध्यरात्रीनंतर ही घटना घडली.

गौरीचे दोन भाऊ घरी होते. आई व वडील दोघे संगमनेर येथे रक्षाबंधननिमित्त गेले होते. शुक्रवारी (ता.१) सकाळी सहा वाजेच्या दरम्यान तिचा भाऊ चेतन उठल्यानंतर काही वेळाने गौरी घरात नसल्याचे लक्षात आले.

त्याने धाकटा भाऊ केतन यास उठवून गौरीचा शोध घेतला असता त्यांना गौरी ही घरापासून शंभर फुटावर असलेल्या चिंचेच्या झाडाला ओढणीने लटकत असल्याचे लक्षात आले.

पोलीस पाटील बाबासाहेब साळवे यांनी तालुका पोलीस ठाण्याचे निरीक्षक दशरथ चौधरी यांना ही माहिती दिली.