अकोले (अहमदनगर) : गाव पाणी योजना पाईप लाईन रस्त्याच्या ठेकेदाराने उध्वस्त केल्याने माजी आमदार वैभव पिचड यांनी ठेकेदाराचे कान टोचत भविष्यात चुका होणार नाही, याची समज दिली.

कोल्हार घोटी राज्य मार्गाचे इंदोरी फाटा येथे काम सुरु असतांना शेतकऱ्यांच्या पाईपलाईनचे (३२गाव पाणीपुरवठा योजनेचे पाईप) मोठ्या प्रमाणात नुकसान केले आहे. याबाबतची माहीती शेतकऱ्यांनी माजी आमदार पिचड व माजी मंञी मधुकरराव पिचड यांना दिली. 

माहिती मिळताच पिचड यांनी सार्वजनिक बांधकाम विभागाचे अधिकारी व ३२ गाव पाणी पुरवठा योजनेचे अधिकारी, रोडचे मक्तेदार यांना समक्ष बोलवुन नुकसान झालेल्या शेतकऱ्यांचे व गाव पाणीपुरवठा योजनेच्या पाईपचे दुरुस्ती करणे बाबतच्या सुचना दिल्या. तसेच येथुन पुढे नुकसान होऊ नये म्हणुन काळजी घ्यावी, असे सांगितले.

बी. आर. काकडे (कार्यकारी अभियंता सार्वजनिक बांधकाम विभाग) : रस्ते काम सुरू असताना ३२ गाव पाणी योजनेचे नुकसान झाले. संबधित ठेकेदार यांनी ते काम पूर्ववत करून देण्याचे मान्य केले आहे.

संपादन : अशोक मुरुमकर