संगमनेर : संगमनेर विधानसभा मतदारसंघात डॉ. सुजय विखे यांच्यापेक्षा त्यांचे पिता राधाकृष्ण विखे यांनीच निवडणूक लढवावी, असे खुले आव्हान काँग्रेस नेते आमदार बाळासाहेब थोरात यांनी दिले आहे.
संगमनेर तालुक्यातील कोळेवाडी येथे आदिवासी मेळाव्याप्रसंगी माध्यमांशी संवाद साधताना आमदार थोरातांनी भाजपचे माजी खासदार डॉ. सुजय विखे संगमनेर विधानसभा निवडणूक लढवण्यावर प्रतिक्रिया दिली. त्यांच्यापेक्षा त्यांचे पिता थेट विद्यमान महसूलमंत्री राधाकृष्ण विखे यांनीच येऊन निवडणूक लढवावी, असे खुले आव्हान दिले.
याचबरोबर विधानसभा निवडणुकीच्या जागा वाटपाबाबत महाविकास आघाडीच्या बैठक झाल्या आहेत. विजयादशमीपर्यंत सर्व चर्चा पूर्ण होईल, असे थोरातांनी स्पष्ट केले. महाविकास आघाडीमधून काँग्रेस बाहेर पडून स्वतंत्र लढणार, अशा चर्चा सुरू आहेत. यावर थोरातांनी महाविकास आघाडी पक्की असून, सत्तेवर येणार असल्याचा ठाम विश्वास व्यक्त करत चर्चा कुठून येतात माहीत नाही, असे म्हटले.
डॉ. जयश्री थोरात रिंगणात?
आमदार बाळासाहेब थोरतांची कन्या डॉ. जयश्री थोरात संगमनेरमधून विधानसभेच्या रिंगणात उतरणार याची चर्चा सुरू आहे. यावर त्यांनी पुन्हा एकदा गुगली टाकत याबद्दल अजून काही ठरलेले नाही, असे सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.