श्रीगोंदा ः श्रीगोंदा तालुक्यातील ज्येष्ठ राजकीय नेते सदाशिव ऊर्फ सदाअण्णा भिकाजी पाचपुते यांचे आज दुपारी निधन झाले. तीन आठवड्यांपासून त्यांच्यावर रूग्णालयात उपचार सुरू होते. त्यांची कोरोना टेस्ट पॉझिटिव्ह आल्याने त्यांना रूग्णालयात भरती करण्यात आले होते.

त्यांच्या प्रकृतीत सुधारणा होत होती. परंतु अचानक त्यांची तब्येत बिघडली. त्यातच त्यांची प्राण ज्योत मालवली. आमदार बबनराव पाचपुते यांचे ते बंधू होत. तालुक्यातील राजकारणाची धुरा त्यांच्याच खांद्यावर होती. पडद्यामागे राहून त्यांनी तालुक्यात चांगलाच जम बसवला होता. प्रकृतीत सुधारणा व्हावी यासाठी सर्वपक्षीय नेत्यांनी मंदिरात महाआरती केली होती.