सबस्क्राईब करा
PA Licence and PPI Licence: ऑनलाइन फूड वितरण कंपनी झोमॅटो अनेक वर्षांपासून पेमेंट क्षेत्रात प्रवेश करण्याचा प्रयत्न करत आहे. या वर्षी रिझर्व्ह बँक ऑफ इंडिया कडून ऑनलाइन पेमेंट एग्रीगेटर लायसन्स आणि प्रीपेड पेमेंट इन्स्ट्रुमेंट लायसन्स देखील मिळाले.
पण आता कंपनीने या क्षेत्रात आणखी हस्तक्षेप करणे टाळले आहे. तसेच झोमॅटोला मिळालेले परवाने आरबीआयला परत करण्यात आले आहेत. यासोबत झोमॅटो पेमेंटही लॉक करण्यात आले आहे.
Zomato च्या नियामक फाइलिंगमधून मिळालेल्या माहितीनुसार, कंपनीला तिच्या फिनटेक उपकंपनी Zomato Payment Private Limited (ZPPL) मध्ये अंदाजे 39 कोटी रुपयांची गुंतवणूक मिळाली होती. कंपनीने मार्च तिमाहीत ही गुंतवणूक परत केली आहे. यासोबतच पीए परवाना आणि पीपीआय परवानाही परत करण्यात आला आहे. कंपनीने म्हटले आहे की त्यांना पेमेंट क्षेत्रात व्यवसाय वाढवण्यास फारसा वाव दिसत नाही.
Zomato च्या मते, गेल्या काही वर्षांत पेमेंट क्षेत्रात मोठे बदल झाले आहेत. कंपनीने परवान्यासाठी अर्ज केल्यानंतर बरेच काही बदलले आहे. आता कंपनीला या क्षेत्रात फारशी क्षमता दिसत नाही. काळाच्या ओघात आता या क्षेत्रात स्पर्धा करण्याची आपल्यात क्षमता दिसत नाही. त्यामुळे पेमेंट क्षेत्रात काम सुरू करण्याऐवजी ते थांबवलेलेच बरे. असे कंपनीचे मत आहे.
या परवान्यांच्या मदतीने झोमॅटोला ऑनलाइन पेमेंटची प्रक्रिया करण्याची परवानगी दिली जाईल. याशिवाय वॉलेट आणि कॅश कार्ड सारख्या सेवा देखील सुरू करू शकतात. थर्ड पार्टी पेमेंट सेवेकडे जाणारे पैसे वाचवून कंपनी आपला खर्च कमी करण्याचा प्रयत्न करत होती. गेल्या वर्षी, कंपनीने ICICI बँकेच्या सहकार्याने Zomato UPI सेवा देखील सुरू केली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.