अहमदनगर : जिल्हाधिकारी कार्यालयाच्या नूतन इमारतीचा(ahmednagar collector office) उद्‌घाटन समारंभ बुधवारी (ता. २९) सकाळी अकरा वाजता होणार आहे. महसूलमंत्री बाळासाहेब थोरात(minister balasaheb thorat) यांच्या हस्ते, तसेच ग्रामविकास व कामगारमंत्री तथा पालकमंत्री हसन मुश्रीफ(minister hasan mushrif) यांच्या अध्यक्षतेखाली हा कार्यक्रम होईल, अशी माहिती या कार्यक्रमाचे निमंत्रक जिल्हाधिकारी डॉ. राजेंद्र भोसले(collector dr. rajendra bhosale ) व अधीक्षक अभियंता जयंत कुलकर्णी यांनी दिली.

मृद व जलसंधारणमंत्री शंकरराव गडाख, महसूल, ग्रामविकास, बंदरे, खार जमिनी विकास व विशेष साहाय्य राज्यमंत्री अब्दुल सत्तार, नगरविकास, ऊर्जा, आदिवासी विकास, उच्च व तंत्रशिक्षण, आपत्ती व्यवस्थापन, मदत व पुनर्वसन राज्यमंत्री प्राजक्त तनपुरे, महापौर रोहिणी शेंडगे, जिल्हा परिषद अध्यक्षा राजश्री घुले, साईबाबा संस्थानचे अध्यक्ष तथा आमदार आशुतोष काळे, खासदार सदाशिव लोखंडे, खासदार सुजय विखे पाटील आदी उपस्थित राहणार आहेत