श्रीगोंदे : लिंपणगाव (ता. श्रीगोंदे) ग्रामपंचायतीचे पाणीपुरवठा योजनेचे वीज बिल थकल्याचे कारण देत वीजजोड तोडला गेला. मात्र लोकांची गैरसोय होऊ नये म्हणून पदाधिकारी अधिकाऱ्यांकडे विनवणी करीत होते. मात्र त्यासाठी वीस हजार द्या, अशी सतत मागणी करणाऱ्या महावितरणचा कनिष्ठ अभियंता पांडू पुनाजी मावळी याला १५ हजाराची लाच घेताना आज लाचलुचपत प्रतिबंधक विभागाचे उपअधिधीक्षक हरिष खेडकर यांच्या पथकाने रंगेहात पकडले.
याबाबत लाचलुचपत प्रतिबंधक विभागाने दिलेल्या माहितीनुसार, लिंपणगाव ग्रामपंचायतीचे विद्युत बिल थकलेले होते. महावितरणकडून ग्रामपंचायतीचा वीज जोड तोडला होता. विद्युत जोड तोडले. मुळे गावाचा पाणीपुरवठा बंद होत असल्याने तक्रारदारांनी यातील आरोपी लोकसेवक मावळी यांची भेट घेऊन विद्युत पुरवठा सुरळीत सुरू करुन देण्याबाबत विनंती केली. त्यावेळी मावळी याने हा वीजजोड जोडण्यासाठी वीस हजाराची मागणी केली.
तक्रारदार यांनी लाचलुचपत प्रतिबंधक विभागाकडे दिलेल्या तक्रारीवरून आज केलेल्या लाच मागणी पडताळणीत आरोपी मावळी याने लाचेची मागणी पंचासमक्ष करून ही लाच रक्कम १५ हजार रुपये लिंपणगाव येथील एका हाॅटेलात घेतले. सापळा कारवाई करीत मावळी याला रंगेहाथ पकडण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.