नगर: राज्य महिला आयोगाच्या अध्यक्षा रूपाली चाकणकर यांना फोनवरून जिवे मारण्याची धमकी देणाऱ्यास पोलिसांनी अटक केली. नगर तालुका पोलिसांच्या पथकाने चिचोंडी पाटील गावातून भाऊसाहेब रामदास शिंदे (वय ४०) यास ताब्यात घेतले. पुढील तपासासाठी त्यास पुणे गुन्हे शाखेच्या स्वाधीन केले आहे.

भाऊसाहेब रामदास शिंदे, असे धमकी देणाऱ्याचे नाव आहे. शिंदे याने चाकणकर यांना धमकीचा फोन करून, पुढील ७२ तासांत जिवे मारू, अशी धमकी दिली होती. या धमकीनंतर त्यांच्या सुरक्षेत वाढ करण्यात आली होती. दिल्ली येथे असणाऱ्या राष्ट्रीय महिला आयोगाच्या हेल्पलाइन क्रमांकावर सोमवारी दुपारी ३ वाजून पन्नास मिनिटांनी शिंदे याने फोन केला होता.

रूपाली चाकणकर यांचे नाव घेऊन त्यांना धमकी दिली. त्यानंतर दिल्ली येथील राष्ट्रीय महिला आयोगाच्या कार्यालयाने मुंबई येथील राज्य महिला आयोगाच्या कार्यालयाशी संपर्क करून ही माहिती दिली.पोलिसांना ही माहिती कळविण्यात आली