अकोले : महावितरणने थकीत वीजबिल वसुलीसाठी वीजजोड तोडण्याची मोहीम हाती घेतली आहे. या मोहिमेच्या निषेधार्थ गुरुवारी (ता. २७) माजी आमदार वैभव पिचड यांनी महावितरण कार्यालयासमोर ठिय्या आंदोलन केले होते. आज (शुक्रवारी) अकोले व राजूरमध्ये ‘बंद’ पाळण्यात आला. त्यास नागरिकांनी प्रतिसाद दिला.
महावितरणकडून थकीत वीजबिलांच्या वसुलीसाठी वीजजोड तोडण्याची मोहीम हाती घेण्यात आली आहे. वसुलीसाठी तालुक्यातील जवळपास ५५० रोहित्रे बंद करून शेतकऱ्यांना वेठीस धरले जात आहे. याच्या निषेधार्थ पिचड यांच्या नेतृत्वाखाली गुरुवारी महावितरणवर मोर्चा काढण्यात आला होता. यावेळी शेतकऱ्यांनी विविध मागण्या मांडल्या. मात्र, त्या मान्य न झाल्याने पिचड यांनी ‘अकोले बंद’चे आवाहन केले होते. त्याला सकारात्मक प्रतिसाद देत शहरातील व्यापाऱ्यांनी आपली दुकाने बंद ठेवली.
महावितरणने वीजपुरवठा पूर्ववत करून शेतकऱ्यांना न्याय द्यावा, अन्यथा यापेक्षा तीव्र आंदोलन केले जाईल, असा इशारा दिला. भाजपचे तालुकाध्यक्ष सीताराम भांगरे, जालिंदर वाकचौरे, शिवाजी धुमाळ, कैलास वाकचौरे, यशवंत आभाळे, गिरजाजी जाधव, जे. डी. आंबरे, भारतीय जनता युवा मोर्चाचे तालुकाध्यक्ष राहुल देशमुख यांच्यासह शेतकरी यावेळी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.