पाथर्डी (अहमदनगर) : माध्यमिक शिक्षकांना कोविड तपासणीची सक्ती केल्याने, उपजिल्हा रुग्णालयात त्यासाठी गर्दी वाढली आहे. शिक्षक व सामान्य रुग्णांची तपासणी एकत्रितच होते. त्यामुळे रांगेत उभे असणाऱ्यांकडून कोरोना संसर्गाचा धोका आहे. त्याचा फटका शिक्षकांसह शिक्षण विभागालाही बसू शकतो.
त्यामुळे शिक्षकांची तपासणी स्वतंत्र ठिकाणी करण्याची मागणी होत आहे. मात्र, "आमच्याकडे मनुष्यबळ कमी असल्याने, तसेच जागा उपलब्ध नसल्याने सध्या स्वतंत्र तपासणी करणे शक्‍य नाही,' असे आरोग्य विभागाकडून सांगण्यात आले.
तालुक्‍यात रोज सुमारे 200-250 शिक्षक व रुग्णांची कोविड तपासणी उपजिल्हा रुग्णालयात होते. माध्यमिक शिक्षकांना कोरोना चाचणी बंधनकारक केल्याने, दोन दिवसांपासून शिक्षक चाचणीसाठी येत आहेत. मात्र, संशयित रुग्ण व शिक्षकांची तपासणी एकाच ठिकाणी केली जाते. रांगेत उभे राहताना एकमेकांचा संपर्क होऊन कोरोना संसर्ग वाढू शकतो. त्यामुळे आमची तपासणी स्वतंत्र जागेत करावी, अशी मागणी शिक्षकांनी केली आहे.
उपजिल्हा रुग्णालयात उपचार घेणारे कोरोनाबाधित रुग्णालयाच्या आवारात येऊन फिरतात. त्यांचाही धोका आहे. कोरोनाबाधितांना रुग्णालयाबाहेर कसे सोडले जाते, असा प्रश्न उपस्थित होत आहे.
उपजिल्हा रुग्णालयात एकच कोविड चाचणी केंद्र आहे. तेथे शिक्षकांसह तालुक्‍यातून येणाऱ्या रुग्णांची तपासणी करावी लागते. बाहेरच्या जिल्ह्यात काम करणारे काही शिक्षकही तपासणी करण्यास येतात. आम्ही काळजी घेतोय. दुसरीकडे जागा उपलब्ध नाही. शिवाय, मनुष्यबळाची अडचण असल्याने, दोन तपासणी केंद्रे चालविणे सध्या तरी शक्‍य नाही. वरिष्ठ अधिकाऱ्यांशी बोलून मार्ग काढू.
- डॉ. महेंद्र बांगरसंपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.