अहमदनगर : अहमदनगर जिल्ह्यातून एक खळबळजनक बातमी समोर आली असून मंत्री शंकरराव गडाख यांच्या स्वीय सहाय्यकावर गोळीबार करण्यात आला आहे. या हल्ल्यात स्वीय सहाय्यक राहुल राजळे हे जखमी झाले आहेत. (Shankar Gadakh PA attacked in Ahmednagar)

त्यांना उपचारासाठी अहमदनगर येथील हॉस्पिटलमध्ये दाखल करण्यात आले असून काल रात्री जिल्ह्यातील घोडेगाव येथे त्यांच्यावर गोळीबीर करण्यात आल्याची माहिती आहे. या हल्ल्याचे कारण अद्याप समजले नसून अशा प्रकारे मंत्र्याच्या स्वीय सहाय्यकावर गोळीबार झाल्याने परिसरात तणाव निर्माण झाला आहे.(Shankar Gadakh News)

अहमदनगरमधील घोडेगाव येथे अज्ञात लोकांकडून हा गोळीबार करण्यात आला आहे. अज्ञातांचा शोध सुरु असून हल्ल्याचं कारण अद्याप समजू शकलं नाही. त्यानंतर राहुल राजळे यांना नगरमध्ये उपचारासाठी दाखल करण्यात आलं आहे. तेथील हॉस्पिटलमध्ये त्यांच्यावर उपचार सुरु असल्याची माहिती आहे.

मंत्री शंकरराव गडाख हे नेवासा मतदारसंघातील आमदार असून क्रांतिकारी शेतकरी पक्षाच्या तिकीटावर ते निवडून आलेले आहेत.