खामगाव (जि.बुलडाणा) ः केंद्र सरकारने संसदेत मंजूर केलेले नवे कृषीकायदे राज्यात लागू होऊ देणार नाही, अशी भूमिका राज्यातील महाविकास आघाडी सरकारने घेतली आहे. तसा अध्यादेशही काढण्यात आला आहे.

हा आदेश काढणारे महाविकास आघाडी सरकार शेतकरी विरोधी असल्याचा आरोप करत भाजपाच्या वतीने बुधवार ता.७ ऑक्टोबर रोजी येथील तहसील कार्यालयासमोर तीव्र निदर्शने करीत शेतकरी विरोधी अध्यादेशाची होळी करून सरकारचा निषेध करण्यात आला.

• काडं झालेत हाडाचे, पाट घामाचा वाहिला, बोंड बोंड वेचताना, ढीग कापसाचा झाला

आमदार आकाश फुंडकर यांच्या मार्गदर्शनात भाजपाच्या वतीने येथील तहसील कार्यालयासमोर तीव्र निदर्शने करून निषेध करण्यात आला. यावेळी सरकारने कृषी कायदे न लागू करण्याच्या अध्यादेशाचे होळी करण्यात आली.

•  दोन लेकरं...दोन कुटुंब...पालकांना अडणावही माहित नाही अन् खुलं झालं शिक्षणाचं रंगीत आकाश 

यावेळी भाजपचे किसान आघाडी जिल्हाध्यक्ष गजाननराव देशमुख, तालुका अध्यक्ष सुरेश गव्हाळ, शहराध्यक्ष चंद्रशेखर पुरोहित, शरदचंद्र गायकी, रामदादा मोहिते, नगराध्यक्ष सौ. अनिताताई डवरे, संजय शिनगारे, राम मिश्रा, पवन गरड, न. प. सभापती, नगरसेवक, जि. प. सदस्य, पं. स. सदस्य, तालुका , शहराचे पदाधिकारी, युवा मोर्चा, महिला आघाडी, विध्यार्धी आघाडी, किसान आघाडी व इतर आघाडीचे प्रमुख पदाधिकारी व कार्यकर्ते मोठ्या संख्येने उपस्थित होते. यावेळी मुख्यमंत्री उद्धव ठाकरे ,महाविकास आघाडी राज्य सरकार विरोधात जोरदार घोषणाबाजी करण्यात आली.

• आता मुंबई, पुणे कुठेही जा!

(संपादन - विवेक मेतकर)