अकोला - यावर्षीचा गणेशोत्सव अकोला शहरात घरोघरी पर्यावरणपूरक साजरा केल्या जावा, यासाठी संत गाडगेबाबा सेवा समिती व तीक्ष्णगत संस्थेच्या वतीने शहरात शाडू मातीपासून गणेश मूर्ती निर्मितीची कार्यशाळा गुरुवार दि.१४ सप्टेंबर रोजी आयोजित करण्यात आली होती. या कार्यशाळेत ४८९ कुटुंबांतील गणेशभक्तांनी पर्यावरणपूरक मूर्ती साकारल्या. गुरुवारी आदर्श कॉलनी परिसरातील खंडेलवाल लॉन्स येथे गणेश मूर्ती निर्मिती कार्यशाळा संपन्न झाली.

गणेशभक्तांनी उत्कृष्ट गणेश मूर्ती साकाराव्यात यासाठी प्रशिक्षक म्हणून पर्यावरण प्रेमी शरद कोकाटे यांनी मार्गदर्शन केले. गणेश मूर्ती निर्मितीला लागणारे संपूर्ण साहित्य आयोजकांच्या वतीने निःशुल्क पुरवण्यात आले होते. ‘चला घडवू शाडू मातीचा गणपती’ या उपक्रमांतर्गत संत गाडगेबाबा सेवा समिती गोरक्षण रोड, अकोलाच्या पर्यावरणपूरक गणेश निर्मिती कार्यशाळा यशस्वीतेसाठी संत गाडगेबाबा सेवा समितीचे निशिकांत

बडगे, गजानन गनोजे, रुपेश कामले, तुलसीदास खिरोडकार, नंदकिशोर चीपडे, नितीन राऊत, गजानन चव्हाण, मनोज खत्री, शशिकांत सुरवाडे, सोनु कावळे, कुलदीपसिंह अंधरेले, जया भारती, आशिष कसले, मनीष मुराई, मुन्ना पिंपळे, दीपक तायडे, संजय वाघमारे पांडव यांनी परिश्रम घेतले.