मुंबई - सकारात्मक संकेतांच्या पार्श्‍वभूमीवर गुंतवणूकदारांनी केलेल्या जोरदार खरेदीने ‘सेन्सेक्‍स’ने आज त्रिशतकी झेप घेतली. दिवसअखेर सेन्सेक्‍स ३५२ अंशांच्या वाढीसह ३२,९४९ अंशांवर बंद झाला. 

राष्ट्रीय शेअर बाजाराच्या ‘निफ्टी’ने पुन्हा एकदा १०,१०० अंशांची पातळी ओलांडली. ‘निफ्टी’त १२२.६० अंशांची वाढ झाली आणि तो १०,१६६ अंशांवर स्थिरावला. ‘निफ्टी’ची गेल्या सहा महिन्यांतील उच्चांकी ठरली आहे.  बॅंका, वाहन उत्पादक कंपन्या आणि धातू क्षेत्रातील शेअरला मागणी दिसून आली.

रिझर्व्ह बॅंकेने पतधोरण स्थिर ठेवल्यानंतर ‘सेन्सेक्‍स’मध्ये २०० अंशांची घसरण झाली होती. मात्र, जागतिक बाजारात खनिज तेलाच्या किमतींमध्ये घसरण झाल्यानंतर गुंतवणूकदारांमध्ये सकारात्मक वातावरण निर्माण झाले.