नवी दिल्ली : सरकारी तेल कंपन्यांनी आज रविवारी देखील पेट्रोल-डिझेलच्या किंमतींमध्ये वाढ केली आहे. आज डिझेलचे दर 33 ते 37 पैश्यांनी तर पेट्रोलचे दर 31 ते 35 पैश्यांनी वाढले आहेत. गेल्या काही दिवसांपासून सातत्याने पेट्रोल आणि डिझेलच्या किंमती वाढताना दिसून येत आहेत. या ऑक्टोबर महिन्यात तर पेट्रोल-डिझेलच्या किंमती जवळपास प्रत्येक दिवशी वाढल्या आहेत.

दिल्लीमध्ये पेट्रोलचा भाव 105.84 रुपये तर डिझेलचा भाव 94.57 रुपये प्रती लीटर आहे. मुंबईमध्ये पेट्रोलची किंमत 111.77 रुपये तर डिझेलची किंमत 102.52 रुपये प्रती लीटर आहे. कोलकातामध्ये पेट्रोलचा भाव 106.43 रुपये तर डिझेलचा भाव 97.68 रुपये प्रती लीटर आहे. तर चेन्नईमध्ये देखील पेट्रोलचा भाव 103.01 रुपये तर डिझेलचा दर 98.92 रुपये प्रती लीटर आहे.

प्रमुख महानगरांमध्ये अशा आहेत किंमती

शहर डिझेल पेट्रोल

दिल्ली 94.57 105.84

मुंबई 102.52 111.77

कोलकाता 97.68 106.43

चेन्नई 98.92 103.01

या राज्यात पेट्रोल आहे शंभरीपार

मध्यप्रदेश, राजस्थान, महाराष्ट्र, आंध्र प्रदेश, तेलंगाना, कर्नाटक, ओडीसा, जम्मू-काश्मीर आणि लडाखमध्ये पेट्रोलचा दर 100 रुपयांच्या पलीकडे गेला आहे. मुंबईमध्ये पेट्रोलची किंमत सर्वाधिक आहे.