नवी दिल्ली : देशातील रिटेल महागाई (Retail Inflation) 6.01 टक्क्यांवर पोहोचली असून, रिटेल महागाईचा हा सहा महिन्यांतील उच्चांक असल्याचे बोलले जात आहे. या फळे आणि भाज्यांच्या किमतींमुळे हे परिणाम झाल्याचे मानले जात आहे. रिटेल महागाई बरोबरच कच्च्या तेलाच्या किमतीतही झपाट्याने वाढ होत असून त्याचा परिणाम महागाईवरही दिसून येत आहे. यापूर्वी डिसेंबरमध्ये महागाई दर 5.59 टक्के होता. तर नोव्हेंबर 2021 मध्ये ही आकडेवारी 4.91 टक्के इतकी होती. वाढत्या महागाईचा कल असाच सुरू राहिल्यास, आरबीआयला व्याजदर वाढवण्याच्या दिशेने वाटचाल करावी लागू शकते, असे मत विश्लेषकांनी व्यक्त केले आहे. (Retail Inflation Rises To 6.01% in January 2022)

जानेवारी 2022 च्या रिटेल महागाईबद्दल बोलायचे झाल्यास गेल्या वर्षीच्या याच कालावधीच्या तुलनेत सुमारे दोन टक्के अधिक आहे. जानेवारी 2021 मध्ये रिटेल महागाई 4.06 टक्के होती. तर, जानेवारी 2022 पूर्वी, जुलै 2021 मध्ये महागाई 6.60 टक्क्यांच्या विक्रमी पातळीवर होती. त्यानंतर यात घट होत ती सप्टेंबर 2021 मध्ये 4.35 टक्क्यांपर्यंत घसरली होती. मात्र, सणासुदीच्या शेवटच्या महिन्यांत यामध्ये वाढ होत ती पुन्हा 6.01 टक्क्यांवर पोहोचली आहे. दरम्यान, रिझव्‍‌र्ह बँकेनेही (RBI) महागाई दर 6 टक्क्यांच्या आसपास राहण्याचा अंदाज व्यक्त करण्यात आला आहे.