Share Market in Marathi | BSE Sensex, Nifty50 : वर्षाच्या शेवटच्या दिवशी शेअर बाजार सकारात्मक वातावरणासह बंद झाला. रिलायंन्स सारखे हेवी वेट स्टॉक्स आणि मेटल, ऑटो आणि बँकिंग क्षेत्रातील शेअरर्स खरेदीमध्ये उत्साह दिसून आला. निफ्टीच्या सर्व सेक्टर निर्देशांकात तेजीचे वातावरण पाहायला मिळाले. सेन्सेक्समध्ये 26 आणि निफ्टी 45 शेअर्स वृद्धीसह बंद झाले. परिणामी सेन्सेक्स 459.50 अंकाच्या वाढीसह 58,253.82 आणि निफ्टी 150.10 अंकाच्या वृद्धीसह 17,354.05 वर बंद झाला.

निफ्टीच्या सर्व सेक्टर निर्देशांकात वृद्धी

सेंसेक्समध्ये सर्व बँकिंग शेअर्समध्ये तेजीचे वातावरण दिसले. दुसरीकडे निफ्टीच्या सेक्टरमधील निर्देशांकामध्येही मजबूती दिसून आली. निफ्टीच्या मेटलमध्ये सर्वाधिक 1.94 टक्के वाढ नोंदवली गेली. निफ्टी बँक क्षेत्रातील शेअर्समध्ये 1.19 टक्क्यांनी मजबूत वाढ नोंदवली गेली. 'बिग बुल' राकेश झुनझुनवाला यांच्या पसंतीचा स्टॉक असलेल्या टायटनमध्ये 3 टक्के वृद्धी झाली.