Share Markte: गुरूवारी बाजारात पुन्हा तेजी दिसून आली. हेवी वेट शेअर्ससोबतच सगळ्याच शेअर्स मध्ये गुरूवारी खरेदी दिसून आल्याने हा तेजीचा माहौल होता. दिवसा अंती सेन्सेक्स 874.18 अंकांनी अर्थात 1.53 टक्क्यांनी वाढून 57,911.68 वर बंद झाला. तर निफ्टी 256.05 अंकांनी म्हणजेच 1.49 टक्क्यांनी वाढून 17,392.60 वर बंद झाला.

बऱ्याच काळानंतर बाजारात बुल्सचे कमबॅक दिसून आल्याचे एलकेपी सिक्युरिटिजचे के एस रंगनाथन यांनी म्हटले. एनर्जी सेक्टरने बाजाराला चांगली साथ दिली. ग्रॉस आणि रिफायनिंग मार्केटमध्ये चांगली वाढ दिसून येण्याची आशा असल्याचेही ते म्हणाले. ऑटो सेक्टरसह सगळे सेक्टरल इंडेक्स हिरव्या चिन्हात बंद झाले.

आज बाजार कसा असेल ?

दमदार जागतिक संकेतांमुळे भारतीय शेअर बाजार सलग दुसऱ्या दिवशी तेजीसह बंद झाल्याचे कोटक सिक्युरिटिजचे श्रीकांत चौहान म्हणाले. सगळ्या सेक्टर्स मध्ये खरेदी दिसून आली. मजबूत ओपनिंगनंतर निफ्टी 200-day SMA च्या वर राहण्यात यशस्वी झाला. सोबतच त्याने डेली चार्टवर लाँग बुलीश कँडल तयार केली आहे जी बाजारात आगामी काळात तेजीचे संकेत देत आहे. ट्रेडर्ससाठी 17,500-17,550 वर रझिस्टंस दिसून येत आहे. तर 17,300-17,275 च्या खाली सपोर्ट दिसत आहे.

आजचे टॉप 10 शेअर्स कोणते ?

आयशर मोटर्स (EICHERMOTORS)

कोल इंडिया (COALINDIA)

महिंद्रा अँड महिंद्रा (M&M)

अदानी पोर्ट्स (ADANIPORTS)

कोटक बँक (KOTAKBANK)

टाटा पॉवर (TATAPOWER)

श्रीराम ट्रान्सपोर्ट फायनान्स लिमिटेड (SRTRANSFIN)

बाळकृष्ण इंडस्ट्रीज (BALKRISIND)

एमआरएफ (MRF)

आयडीएफसी फर्स्ट बँक (IDFCFIRSTBANK)

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.