2021 हे वर्ष आता संपणार आहे म्हणजेच 9 दिवसांनंतर आपण नवीन वर्ष 2022 (New Year 2022) मध्ये प्रवेश करू. या काळात असे अनेक बदल होतील ज्यांचा थेट परिणाम तुमच्या जीवनावर होईल. पुढील महिन्यात बदलत असलेल्या नियमांमध्ये बॅंकिंग (Banking), डेबिट आणि क्रेडिट कार्डशी (Debit-Credit Card) संबंधित नियम, एलपीजी सिलिंडरची (LPG Cylinder) किंमत हे मुख्य आहेत. काय काय बदल होणार आहेत ते जाणून घ्या... (The new year will see big changes that will have a direct impact on your finances)

डेबिट-क्रेडिट कार्डसंबंधी बदलतील नियम

1 जानेवारीपासून डेबिट-क्रेडिट कार्डने पेमेंट करण्याची पद्धत बदलत आहे. वास्तविक, ऑनलाइन पेमेंट अधिक सुरक्षित करण्यासाठी रिझर्व्ह बॅंक ऑफ इंडिया (Reserve Bank of India - RBI) ने नवीन नियम लागू करण्याचा निर्णय घेतला आहे. हा नवा नियम 1 जानेवारी 2022 पासून लागू होणार आहे. 1 जानेवारी 2022 पासून ऑनलाइन पेमेंट (Online Payment) करताना तुम्हाला 16 अंकी डेबिट किंवा क्रेडिट कार्ड क्रमांकासह संपूर्ण कार्ड तपशील प्रविष्ट करावा लागेल किंवा टोकनायझेशन पर्याय निवडावा लागेल. या नियमानुसार मर्चंट वेबसाइट्‌स (Merchant Websites) किंवा ऍप्स यापुढे ऑनलाइन शॉपिंग (Online Shopping) आणि डिजिटल पेमेंट (Digital Payment) दरम्यान तुमचे कार्ड तपशील संग्रहित करू शकणार नाहीत. आरबीआयच्या आदेशानुसार व्यापाऱ्यांनी मर्चंट वेबसाइट किंवा ऍपवर सेव्ह केलेले तपशील हटवले जातील.

1 जानेवारीपासून एटीएममधून पैसे काढणे होणार महाग

नवीन वर्षात आता तुम्हाला महागाईचा आणखी एक झटका बसणार आहे. वास्तविक, 1 जानेवारी 2022 पासून एटीएममधून (ATM) पैसे काढणे आणखी महाग होणार आहे. होय, तुम्हाला पुढील महिन्यापासून एटीएम वापरण्यासाठी अधिक खर्च करावा लागेल. आरबीआयच्या नवीन नियमांनुसार आता ग्राहकांना निश्‍चित मर्यादेनंतर एटीएम व्यवहार केल्यास आर्थिक फटका बसणार आहे. 1 जानेवारीपासून देशातील सर्व बॅंकांनी एटीएम शुल्कात 5 टक्के वाढ करण्याचा निर्णय घेतला आहे. म्हणजेच आता मर्यादा पूर्ण झाल्यानंतर एटीएममधून प्रत्येक वेळी पैसे काढताना तुम्हाला 21 रुपये द्यावे लागतील. यासोबतच ग्राहकाला स्वतंत्रपणे जीएसटी भरावा लागेल. सध्या ही रक्कम 20 रुपये आहे, जी पुढील महिन्यापासून 21 रुपये करण्यात आली आहे.

पोस्ट ऑफिसशी संबंधित हा नियम बदलणार

इंडिया पोस्ट पेमेंट्‌स बॅंक (India Post Payments Bank) हा भारतीय पोस्टचा (Indian Post) एक विभाग आहे, जो पोस्ट विभागाच्या मालकीचा आहे. इंडिया पोस्ट पेमेंट्‌स बॅंक (IPPB) ने जाहीर केले आहे की त्यांनी 1 जानेवारी 2022 पासून शाखेतील रोख पैसे काढणे आणि ठेवींवरील शुल्क सुधारित केले आहे. नवीन नियमानुसार 1 जानेवारी 2022 नंतर जर IPPB खातेधारकाने निर्धारित मोफत मर्यादा ओलांडल्यानंतर पैसे जमा केले किंवा काढले तर त्याला अधिक शुल्क भरावे लागेल.

गूगलच्या अनेक ऍप्सचेही नियम बदलतील

गूगल पुढील महिन्यापासून अनेक नियम बदलणार आहे. 1 जानेवारी 2022 पासून गूगलवरील ऑनलाइन पेमेंटशी संबंधित नियम बदलतील. याचा थेट परिणाम तुमच्यावर होईल. हा नवीन नियम सर्व Google सेवा जसे की Google Ads, YouTube, Google Play Store आणि इतर पेमेंट सेवांवर लागू होईल. तुम्ही पुढील महिन्यापासून RuPay, American Express किंवा Diners कार्ड वापरत असल्यास, तुमचे कार्ड तपशील Google द्वारे सेव्ह केले जाणार नाहीत. अशा परिस्थितीत 1 जानेवारी 2022 पासून तुम्हाला प्रत्येक मॅन्युअल पेमेंटसाठी कार्ड तपशील प्रविष्ट करावा लागेल.

एलपीजी सिलिंडरच्या किमती...

तेल कंपन्या दर महिन्याच्या पहिल्या तारखेला गॅस सिलिंडरची किंमत ठरवतात. अशा परिस्थितीत यावेळी एलपीजी गॅस सिलिंडरच्या दरात वाढ होते किंवा नाही, हे पाहावे लागेल.