Union Budget 2022-23: यंदाचा देशाचा अर्थसंकल्प हा मोदी सरकारच्या कार्यकाळातला शेवटचा अर्थसंकल्प आहे. त्यामुळे या अर्थसंकल्पात सर्वसामान्यांसाठी कोणत्या घोषणा होणार, याकडे सगळ्या देशाचं लक्ष लागून राहिलं आहे. पण आणखी एका कारणासाठी हा अर्थसंकल्प चर्चेत आहे.

स्वातंत्र्यापासून पहिल्यांदाच अर्थसंकल्पीय अधिवेशनाची सुरुवात करणाऱ्या राष्ट्रपतीही महिला आहेत आणि अर्थसंकल्प मांडणाऱ्या अर्थमंत्रीही महिलाच आहेत. देशाच्या राष्ट्रपती द्रौपदी मुर्मू ज्यांनी या अर्थसंकल्पीय अधिवेशनाची सुरुवात केली आणि अर्थमंत्री निर्मला सीतारामन ज्या हा अर्थसंकल्प मांडत आहे, अशा दोन्हीही महिला असण्याची ही पहिलीच वेळ आहे.

माजी पंतप्रधान इंदिरा गांधी या केंद्रीय अर्थसंकल्प मांडणाऱ्या पहिल्या महिला ठरल्या. १९७०-७१ मध्ये मोरारजी देसाई यांनी अर्थमंत्री म्हणून राजीनामा दिल्यानंतर अर्थ मंत्रालयाचा कारभार इंदिरा गांधींनी स्वतः.च्या ताब्यात घेतला होता. २०१९ मध्ये निर्मला सीतारामन केंद्रीय अर्थसंकल्प मांडणाऱ्या दुसऱ्या महिला ठरल्या.

ब्राऊन रंगाची ब्रीफकेस घेऊन अर्थसंकल्प मांडण्याच्या प्रथेला छेद देत त्यांनी पांढऱ्या कपड्याच बॅगेप्रमाणे गुंडाळलेल्या स्वरुपात अर्थसंकल्प मांडला. अर्थसंकल्प मांडण्याचं हे त्यांचं दुसरं वर्ष आहे.