लक्ष्मीनगर (पर्वती) : येथील गजानन महाराज मंदिराजवळील फुटपाथवर हार-फुले, फळ-भाजीपाला विक्रेते, हातगाडीवाले, मासे विक्रेते, सिझनल व्यापार करणारे व्यावसायिक यांनी अतिक्रमन केले आहे. त्यामुळे रोज या परिसरात वाहतूक कोंडी  होते. तसेच पादचाऱ्यांना अक्षरश: जीव मुठीत धरून चालावे लागते. ग्राहक खरेदीसाठी गर्दी करतात. बेशिस्तपणे वाहने रस्त्यावर बिनदिक्कत उभी करतात. 

सध्या तर राखी, गणपती, स्टॉल, रस गुऱ्हाळ  व बस स्थानक यामुळे पूर्ण फूटपाथ व्यापला आहे. येथून हाकेच्या अंतरावर असणाऱ्या पोलिस चौकीला याचे काहीही देणेघेणे नाही. या चौकात वाहतूक पोलिस कधीच नसतात. चौकात रस्तारूंदी करूनही फारसा उपयोग झालेला नाही. मनपा अतिक्रमण विभाग ( सहकारनगर क्षेत्रीय कार्यालय) येथे जाणूनबुजून दुर्लक्ष करते. किरकोळ कारवाई करण्याचे नाटक केले जाते. हप्ते गोळा केले जातात. तरी महापालिकेने याकडे लक्ष देवून लवकरात लवकर कारवाई करावी.