Dharashiv News : तालुक्यातील वानेवाडी येथे स्थित नारायण बाबा रामजी बाबा वारकरी शिक्षण संस्थेमध्ये दहावीत शिकणाऱ्या विद्यार्थ्यांचा संशयास्पद मृत्यू झाला आहे. यावेळी मुलाला लटकवण्यात आल्याचा दावा मुलाच्या वडिलांनी केला आहे.

अधिक माहिती अशी कि, प्रेम शिंदे असं मृत्यूमुखी पडलेल्या विद्यार्थ्यांचे नाव असून तोे वारकरी संप्रदायाची शिक्षण देणारी नारायण बाबा रामजी बाबा वारकरी शिक्षण संस्था या ठिकाणी शिकत होता. प्रेम याचा शनिवारी मृत्यू झाला.

ढोकी पोलीस ठाण्यात आकस्मात मृत्यूची नोंद करण्यात आली आहे, प्रेम शिंदे याचा मृतदेह दोरखंडाला लटकलेल्या अवस्थेत आढळून आला. ही आत्महत्या नसून आपल्या मुलाला मारहाण करून लटकवण्यात आल्याचा आरोप त्याच्या वडिलांनी केला आहे.

याप्रकरणी संस्थाचालक उंबरे महाराज यांना पोलिसांनी ताब्यात घेतल आहे. पोस्टमार्टम रिपोर्टनंतर ही आत्महत्या आहे की हत्या हे स्पष्ट होणार आहे. सध्या पोलीस कसून तपास करत आहेत.