पंचांग -

रविवार : फाल्गुन शुद्ध १०, चंद्रनक्षत्र पुनर्वसू, चंद्रराशी मिथुन/कर्क, चंद्रोदय दुपारी २.२३, चंद्रास्त पहाटे ४.०३, सूर्योदय ६.४५, सूर्यास्त ६.४२, भारतीय सौर फाल्गुन २२ शके १९४३.

दिनविशेष -

१९९९ - जलाशयाच्या तळाला भोक पाडून त्यातील पाणी बोगद्याच्या साह्याने भूमिगत जलविद्युतगृहात नेऊन त्याद्वारे वीजनिर्मिती (लेक टॅपिंग) करणाऱ्या, आशिया खंडातील पहिल्या प्रयोगाच्या, कोयना जलविद्युत प्रकल्पाच्या चौथ्या टप्प्याचे उद्‌घाटन.

२००१ - देशाच्या पहिल्या महिला परराष्ट्रसचिवपदाची सूत्रे चोकिला अय्यर यांनी हाती घेतली. सिक्कीममधील आदिवासी समाजातील चोकिला अय्यर या भारतीय परराष्ट्र सेवा अधिकाऱ्यांच्या १९६४ च्या बॅचमधील अधिकारी आहेत.

२००३ - छत्रपती शिवाजी टर्मिनसहून कर्जतकडे जाणाऱ्या जलद लोकलमध्ये महिलांच्या डब्यात मुलुंड रेल्वेस्थानकात भीषण बाँबस्फोट.

२०१० - भारतात झालेल्या विश्‍वकरंडक हॉकी स्पर्धेत ऑस्ट्रेलियाची विजेतेपदास गवसणी. त्यांनी २४ वर्षांनंतर प्रथमच जगज्जेतेपद जिंकले.