पंचांग -

शनिवार : ज्येष्ठ कृष्ण १२, चंद्रनक्षत्र भरणी, चंद्रराशी मेष/वृषभ, चंद्रोदय पहाटे ३.३७, चंद्रास्त दुपारी ४.११, सूर्योदय ६.०१, सूर्यास्त ७.१३, संत निवृत्तिनाथ पुण्यतिथी, भारतीय सौर आषाढ ४ शके १९४४.

दिनविशेष -

१९८३ - कपिलदेवच्या नेतृत्वाखाली भारताने वेस्ट इंडिज संघाचा ४३ धावांनी पराभव करून प्रुडेन्शिअल विश्वकरंडक जिंकला. या सामन्यात अष्टपैलू कामगिरी बजाविणाऱ्या मोहिंदर अमरनाथला ‘मॅन ऑफ द मॅच’ पारितोषिक देण्यात आले.

१९९४ - लंडन येथील ॲलेक्‍स केली या शालेय क्रिकेटपटूने एकही धाव न देता दहा गडी बाद करण्याचा विक्रम केला.

२००० - मादाम तुसाँ यांच्या मेणाच्या पुतळ्यांच्या जगप्रसिद्ध प्रदर्शनात भारतीय सुपरस्टार अमिताभ बच्चन यांचा पुतळा उभारण्याचे ठरले. हा सन्मान मिळविणारा ते पहिले हिंदी अभिनेता ठरले.

२०१४ - आपल्या अवकाशगंगेतील अतिशय वैशिष्ट्यपूर्ण ताऱ्याचा शोध लागल्याचा दावा लंडन येथील नॅशनल रेडिओ ऍस्ट्रॉनॉमी ऑब्झरव्हेटरीमधील शास्त्रज्ञांनी केला. या ताऱ्याचा आकार पृथ्वीएवढा असून, तो आजपर्यंत सापडलेल्या बटू ताऱ्यांपेक्षा अतिप्रचंड प्रमाणात थंड आहे. या ताऱ्याचे वय ११ अब्ज वर्षे असून, हा पांढरा बटू तारा हिऱ्यापासून बनलेला आहे.