मुंबई : किरकोळ गुंतवणूकदारांनी नियोजनबद्ध गुंतवणुकीतून गेल्या वर्षभरात म्युच्युअल फंडात 1.24 लाख कोटींची गुंतवणूक केली आहे. यामुळे म्युच्युअल फंडांकडील मालमत्तेत 5.54 टक्‍क्‍यांची वाढ झाली आहे. डिसेंबरअखेर म्युच्युअल फंडातील मालमत्ता 23.61 लाख कोटींपर्यंत वाढली आहे.

सलग सहाव्या वर्षाच्या म्युच्युअल फंडातील गुंतवणुकीचा ओघ वाढल्याचे दिसून आले. असोसिएशन ऑफ म्युच्युअल फंड्‌स इन इंडियाच्या (ऍम्फी) आकडेवारीनुसार, फंडातील गुंतवणूक वृद्धीदर 2017 च्या तुलनेत कमी आहे. 2017 मध्ये 5.4 लाख कोटींनी गुंतवणूक वाढली होती. घरगुती बचतीला चालना देऊन ती भांडवली बाजारात आणण्यासाठी सेबी आणि ऍम्फीकडून प्रयत्न केले जात आहेत.

गुंतवणूकदारांमध्ये म्युच्युअल फंडांमधील जनजागृतीसाठी "म्युच्युअल फंड सही है'सारखे उपक्रम ऍम्फीने सुरू केले असून, त्याचा परिणाम म्हणून "एसआयपी'तील गुंतवणुकीचा ओघ वाढल्याचे जाणकारांचे म्हणणे आहे.