तिरूचिरापल्ली : तमिळानाडूतील तिरूचिरापल्ली जिल्ह्यातील नदुकाटुपट्टी येथे 2 वर्षीय सुजिथ शुक्रवारी (ता. 25) बोअरवेलमध्ये पडला. 15 तास उलटूनही त्याला बोअरवेलमधू काढण्यात यश आलेले नाही. त्याला बाहेर काढण्यासाठी कालपासून प्रशासनाचे व पोलिसांचे प्रयत्न सुरू आहेत. 

चक्रीवादळाला का देतात नाव? आणि कोण देतं हे नाव?

25 फूट खोल असलेल्या बोअरवेलमध्ये सुजिथ पडला. सुरवातीला तो 30 मिटर खोलीवर अडकला होता. पण खाली सरकत सरकत तो आता 70 मिटर खोल बोअरवेलमध्ये अडकला आहे. सुजित पडल्याची माहिती मिळताच बचावपथके घटनास्थळी दाखल झाले. त्याला समांतर खड्डा खोदून बाहेर काढण्याचे प्रयत्न सुरू आहेत. या खड्ड्यातून शेजारील बोअरवेलमधून सुजिथला काढण्याचे बचावपथकाचे नियोजन आहे. याही बचावपथकात अडकाठी आली असून, 10 फूटांखाली खडक मध्ये आला असून खोदकाम थांबविण्यात आले आहे.

घटनास्थळी तमिळनाडूचे आरोग्यमंत्री विजयभास्कर, पर्यटन मंत्री वल्लामंदी नटराजन हे उपस्थित असून त्यांची सर्वाधिक चांगली यंत्रणा सरकारने सुजिथला काढण्यासाठी लावली आहे. 'आम्ही आमची सर्वोत्तम यंत्रणा सुजिथला बाहेर काढण्यासाठी लावली आहे. मुलाच्या श्वासाचा आवाज बाहेर येत आहे. बोअरवेलमध्ये एक मायक्रो कॅमेरा पाठवला आहे, जो त्याचे चित्रण करेल व माहिती देईल. आरोग्ययंत्रणा त्याला ऑक्सिजन देत आहे. 

घराबाहेर खेळताना साधारण 5 वाजेच्या दरम्यान सुजिथ बोअरवेलमध्ये पडला. तो सुखरूप बाहेर निघावा यासाठी देशभरातून प्रार्थना केली जात आहे. तसेच ट्विटरवर #SaveSurjith हा हॅशटॅग ट्रेंडिंग आहे.