बंगळुरु (कर्नाटक) : म्हैसूर जिल्ह्यातील (Mysore Karnataka) हुन्सूर तालुक्यातील कल बेट्टा रोडवर भीषण अपघात झालाय. बोलेरो वाहन झाडावर आदळल्यानं 6 जण जागीच ठार झाले. तर, जखमींना म्हैसूरच्या केआर रुग्णालयात (KR Hospital Mysore) दाखल करण्यात आलंय. या वाहनातून एकूण 9 जण प्रवास करत होते आणि 6 जणांचा अपघातात मृत्यू झालाय.

मिळालेल्या अधिक माहितीनुसार, चालक संतोष (42), अनिल (44), बाबू (48), राजेश (40), दयानंद (42) आणि विनीत (37) हे पालीबेट्टा येथील रहिवासी आहेत. हुनसूर इथं लग्नाला जावून पालीबेट्टा इथं परत येताना झाडाला बोलेरो वाहन धडकून भीषण अपघात झाल्यानं हा अपघात झाला आहे.

या अपघातानंतर घटनास्थळी ग्रामस्थ आणि पोलिसांनी पाहणी करुन जखमींना म्हैसूरच्या केआर रुग्णालयात दाखल केलंय. यातील काही जणांची प्रकृती चिंताजनक असल्याचं समजतंय. दरम्यान, पोलिसांनी (Mysore Police) घटनास्थळी पाहणी करुन अधिक तपास सुरु केला आहे.