शनिवारी मणिपूरचे मुख्यमंत्री एन बिरेन सिंग यांच्या इंफाळ येथील सरकारी निवासस्थानाजवळील एका पडक्या इमारतीला समाजकंटकांनी आग लावल्यानंतर तेथे मोठी आग भडकल्याची, धक्कादायक माहिती समोर आली आहे.

ही इमारत गोव्याचे माजी मुख्य सचिव दिवंगत आयएएस अधिकारी टी किपगेन यांच्या कुटुंबाची होती. गेल्या वर्षी मणिपूरमध्ये हिंसाचार सुरू झाल्यापासून त्यांनी ही इमारत सोडली आहे, असे अधिकाऱ्यांनी सांगितले.

3 मे 2023 रोजी कुकी आणि मेईतेई समुदायांमधील वांशिक संघर्ष सुरू झाल्यापासून मणिपूरमध्ये वारंवार होणाऱ्या हिंसाचाराच्या घटना घडल्या आहेत. या हिंसाचारात आतापर्यंत 219 हून अधिक लोक मारले गेले आहेत.