चंडीगड - आगामी पंजाब विधानसभा निवडणुकीसाठी आम आदमी पक्षाने (आप) आणखी दोन उमेदवारांच्या नावांची घोषणा केली असून, आता आपच्या एकूण उमेदवारांची संख्या 107 वर पोचली आहे. नरिंदरसिंग शेरगिल (48) आणि जसबीरसिंग कुदानी (41) अशी या उमेदवारांची नावे आहेत.

आपचे जिल्हा समन्वयक गुरप्रीतसिंग वरैच यांनी या दोघांच्या नावांची घोषणा केली. शेरगिल यांची मोहाली मतदारसंघातून, तर कुदानी यांची सिंगूर जिल्ह्यातील लेहरागागा येथील जागेसाठी निवड करण्यात आली आहे. शेरगिल हे एक प्रगतशील शेतकरी असून, त्यांनी सरपंचपदही भूषविले आहे, तर कुदानी हेदेखील व्यवसायाने शेतकरी आहेत. दरम्यान, आपसोबत आघाडी असलेल्या लोक इंसाफ पक्षानेदेखील पाच विधानसभेच्या पाच जागांपैकी चार जागांवरील उमेदवार जाहीर केले आहेत.