Gujrat Election 2022 : गुजरातमधील विधानसभा निवडणुकीच्या तारखा जाहीर होताच राजकीय वातावरण चांगलेच तापले आहे. यातच सर्व राजकीय पक्षांकडू जोरदार भाषणबाजीने सुरू आहे. या निवडणुकीच्या पार्श्वभूमिवर आरोप-प्रत्यारोपांच्या व्यतिरिक्त या निवडणुकीत कोण बाजी मारेल याबद्दल वेगवेगळे अंदाजही बांधले जात आहेत. यातच दिल्लीचे मुख्यमंत्री आणि आम आदमी पक्षाचे सुप्रीमो अरविंद केजरीवाल यांनी एका कार्यक्रमामध्ये लिहून देत भविष्यवाणी केली आहे.

गुजरातमध्ये निवडणुकीचे मैदान कोण मारेल याची उत्सुकता लागलेली असताना आप सरकार स्थापन करेल असा ठाम विश्वास केजरीवाल यांनी व्यक्त केला आहे. आम आदमी पक्षाच्या ट्विटर हँडलवरून या कार्यक्रमाची एक क्लिप शेअर करण्यात आली आहे, यामध्ये अरविंद केजरीवाल बोलताना दिसत आहेत.

या व्हिडीओच्या सुरूवातीला केजरीवाल त्यांनी यापूर्वी केलेली भविष्यवाणी ज्या खऱ्या ठरल्या त्यांची आठवण करून दिली आहे.

केजरीवाल म्हणाले की, "अनेक लोक म्हणतात की राजकारणात माझी भविष्यवाणी खरी ठरते. २०१४ मध्ये जेव्हा दिल्लीत निवडणुका झाल्या तेव्हा मी एका पत्रकाराला लिहून दिलं की काँग्रेसला शून्य जागा मिळतील. कुणीही विश्वास ठेवला नाही. पण त्या निवडणुकीत काँग्रेसला शून्य जागा मिळाल्या. पंजाबच्या निवडणुकीत मी खूप सारी भाकितं केली होती. मी म्हटलं होतं नवज्योतसिंग सिद्धू हरतील. चन्नी दोन्ही जागांवरून हरतील. बादल यांचं पूर्ण कुटुंब हरणार"

केजरीवाल पुढे म्हणाले की, "आज मी लिहून देत भविष्यवाणी करतो की, .गुजरातमध्ये आम आदमी पक्षाचं सरकार बननणार, हे तुम्ही लिहून ठेवा. ही भविष्यवाणी देखील लिहून ठेवा. ही भविष्यवाणी खरी ठरेल. २७ वर्षांच्या कुशासनानंतर आता गुजरातच्या जनतेची यांच्या तावडीतून सुटका होईल", असेही केजरीवाल म्हणाले आहेत.