नवी दिल्ली -कर्नाटक विधानसभा निवडणुकीसाठी मतदानाला 11 दिवस उरले आहेत. मात्र निवडणुकीपूर्वी एबीपी न्यूज आणि सी व्होटरने ओपिनियन पोल प्रसिद्ध केला आहे. एबीपी न्यूज-सी व्होटरच्या ओपिनियन पोलनुसार, यावेळी काँग्रेस पक्ष कर्नाटकमध्ये सरकार स्थापन करू शकतो. ओपिनियन पोलने काँग्रेसला पूर्ण बहुमताचा अंदाज वर्तवला आहे, तर भाजप 100 जागांचा आकडाही पार करणार नाही, असं म्हटलं आहे.

एबीपी न्यूज-सी व्होटरच्या ओपिनियन पोलनुसार कर्नाटकात भाजपला 74 ते 86 जागा मिळू शकतात. तर काँग्रेस पक्षाला 107 ते 119 जागा मिळू शकतात. तर जीडीएसला 23 ते 35 जागा मिळू शकतात. तर 0 ते 5 जागा इतरांच्या खात्यात जाऊ शकतात. या ओपिनियन पोलवरून काँग्रेस पक्षाला बहुमत मिळू शकते हे स्पष्ट झाले आहे.

दुसरीकडे, ओपिनियन पोलनुसार, कर्नाटकमध्ये काँग्रेस पक्षाला सर्वाधिक मतांची टक्केवारी मिळू शकते. ओपिनियन पोलनुसार काँग्रेस पक्षाला 40% मते मिळू शकतात. तर भाजपला 35 टक्के मते मिळू शकतात. जेडीएसला १७ टक्के तर इतरांना ८ टक्के मते मिळू शकतात.

ओपिनियन पोलनुसार जुन्या म्हैसूर भागात भाजपचा सफाया होऊ शकतो. पोलनुसार भाजपला ५५ पैकी फक्त ३ ते ७ जागा मिळू शकतात. तर काँग्रेस पक्षाला 21 ते 25 जागा मिळू शकतात. तर जीडीएसला 25 ते 29 जागा मिळू शकतात. तर 0 ते 1 जागा इतरांच्या खात्यात जाऊ शकतात.

ओपिनियन पोलनुसार, कर्नाटकमध्ये मुख्यमंत्रीपदासाठी काँग्रेस नेते सिद्धरामय्या यांची पहिली पसंती आहे. ४१ टक्के लोकांना सिद्धरामय्या यांना मुख्यमंत्री म्हणून पाहायचे आहे. तर 31% बसवराज बोम्मई, 22% एचडी कुमारस्वामी, 3% डीके शिवकुमार आणि 3% इतरांना मुख्यमंत्री म्हणून पाहायचे आहे.