उदयपूर (राजस्थान): विवाहानंतर दुसऱया दिवशी पतीसोबत जात असलेल्या नवविवाहीतचे तिच्या पूर्वीच्या प्रियकराने पळवून नेल्याची घटना येथे घडली आहे, अशी माहिती पोलिसांनी दिली.

पोलिस अधीक्षक विनिता सुतार यांनी दिलेल्या माहितीनुसार, 'विवाहाच्या दुसऱया दिवशी नवविवाहीत दांपत्य व काही नातेवाईक मोटारीतून प्रवास करत होते. मोटार सवीना रेल्वे फाकटाजवळ आल्यानंतर काही युवकांनी मोटार थांबवली. मोटारीचे नुकसान करत मारहाण करण्यास सुरवात केली. नवविवाहीतेला घेऊन ते पळून घेऊन गेले, त्यामध्ये तिचा पुर्वीचा प्रियकर होता. नवविवाहतीचे अपहरण केल्याची तक्रार कुटुंबियांनी दाखल केली आहे.'

दरम्यान, युवतीचे गेल्या महिन्यात तिच्या प्रियकराने अपहरणाचा प्रयत्न केला होता. या घटनेनंतर तिच्या कुटुंबियानी विवाह लावून दिला. मात्र, विवाहाच्या दुसऱया दिवशीच प्रेयसीला पळून नेण्यात आले.