Harshit Rana KKR vs LSG : कारवाईनंतरही हर्षित राणा सुधरला नाही; बीसीसीआयला पुन्हा डिवचलं?

Harshit Rana KKR vs LSG : कोलकाता नाईट रायडर्सचा वेगवान गोलंदाज हर्षित राणा बीसीसीआयच्या मोठ्या कारवाईनंतरही सुधरलेला नाही असं दिसतंय. लखनौ सुपर जायंट्सविरूद्धच्या सामन्यात हर्षित राणानं विकेट घेतल्यावर ज्या प्रकारे सेलिब्रेशन केलं ते पाहता त्यानं बीसीसीआयची कारवाई गांभिऱ्याने घेतली आहे की नाही याबाबत साशंकता आहे.

हर्षित राणावर बीसीसीआयने दोनवेळा कारवाई केली आहे. त्याने विकेट घेतल्यावर आक्रमकपणे सेलिब्रेशन केलं होतं. त्यामुळं त्याच्यावर दोनवेळा कारवाई करण्यात आली. त्यानं विकेट घेतल्यानंतर बाद झालेल्या फलंदाजाला फ्लाईंग किस दिला होता.

त्याची 100 टक्के सामन्याची फी दंड म्हणून कापून घेण्यात आली होती. याचबरोबर त्याच्यावर एका सामन्याची बंदी देखील घालण्यात आली होती. त्याने केकेआरविरूद्ध दिल्ली कॅपिटल्स सामन्यादरम्यान ही कृती केली होती.

बीसीसीआयला पुन्हा डिवचलं

लखनौ सुपर जायंट्सविरूद्धच्या सामन्यात हर्षित राणानं विकेट घेतल्यावर आपली सेलिब्रेशन स्टाईल बदलली आता त्यानं फ्लाईंग किस देण्याऐवजी तोंडावर बोट ठेवत सेलिब्रेशन केलं. त्यामुळं चाहत्यांमध्ये तो विकेट घेतल्यावर सेलिब्रेशन करतोय की बीसीसीआयला डिवचतोय अशी चर्चा सुरू आहे. केकेआरने सोशल मीडियावर हर्षित राणाचा तोंडावर बोट ठेवत सेलिब्रेशन करतानाचा फोटो शेअर केला आहे.

केकेआरने लखनौ सुपर जायंट्सचा 98 धावांनी मोठा पराभव केला. केकेआरच्या विजयात हर्षित राणाने देखील मोठा वाटा उचलला. त्याने तीन महत्वाच्या विकेट्स घेतल्या. हर्षित राणाने केएल राहुल आणि मार्कस स्टॉयनिस यांची भागीदारी तोडली. त्यानंतर त्यानं दोन विकेट्स घेतल्या. हर्षित राणाने 3.1 षटकात 24 धावा देत 3 विकेट्स घेतल्या. हर्षित राणाने यंदाच्या आयपीएल 2024 मध्ये 9 सामन्यात 14 विकेट्स घेतल्या आहेत.

(IPL 2024 Marathi News)