काँग्रेस नेते राहुल गांधी यांची लोकसभेतून अपात्रता आणि त्याचे पडसाद चर्चेत असताना, २०१९ मध्ये केरळमधील याच वायनाड जागेवरून निवडणूक लढवणाऱ्या आणखी एका ‘राहुल गांधी’नांही निवडणूक लढवण्यास अपात्र ठरवण्यात आले.

भारतीय निवडणूक आयोगाने २९ मार्च रोजी सर्व राज्यांच्या मुख्य निवडणूक अधिकार्‍यांना पाठवलेल्या लोकप्रतिनिधी कायदा, १९५१ च्या कलम १०A अन्वये अपात्र ठरलेल्या व्यक्तींच्या नियमित यादीत, राहुल गांधी के ई नावाची व्यक्ती आहे. ते कोट्टायम इथले रहिवासी आहेत. या यादीनुसार, ९ सप्टेंबर २०२१ रोजी त्यांना तीन वर्षांच्या कालावधीसाठी अपात्र ठरविण्यात आले.

कलम १०A अन्वये, निवडणूक लढल्यानंतर निवडणूक खर्चाचा हिशेब निवडणूक आयोगाकडे न भरणाऱ्यांना तीन वर्षांच्या कालावधीसाठी अपात्र ठरवले जाते. काँग्रेसच्या राहुल गांधींचे नाव यादीत नव्हते. मानहानीच्या खटल्यात दोषी ठरल्यानंतर २३ मार्च रोजी त्यांना अपात्र ठरवण्यात आले तरी ट्रायल कोर्टाने कायदेशीर उपाय शोधण्यासाठी त्यांना ३० दिवसांची मुदत दिली होती.

राहुल गांधी के ई, ३३ वर्षांचे होते तेव्हा त्यांनी वायनाडमधून अपक्ष उमेदवार म्हणून लोकसभा निवडणूक लढवली होती. ही निवडणूक काँग्रेसच्या राहुल गांधींनी ७ लाखांहून अधिक मतांनी जिंकली होती. राहुल गांधी के ई, रघुल गांधी के असे सारख्या नावाचे दो उमेदवार होते. राहुल गांधी के ई यांना २,१९६ मते मिळाली, तर रघुल गांधी केई यांना ८४५ मते मिळाली.

अपात्रतेबद्दल विचारले असता, राहुल गांधी के ई म्हणाले की त्यांनी २०१९ ची निवडणूक लढवली होती परंतु पुढे काहीही बोलण्यास नकार दिला. ते म्हणाले, “मी तो राहुल गांधी नाही.