भारताचे पहिले सीडीएस जनरल बिपिन रावत (Genral Bipin Rawat) यांचा हेलिकॉप्टर दुर्घटनेत (Helicopter Crash) मृत्यू झाला. यानतंर आता लष्कर प्रमुख जनरल मनोज मुकुंद नरवणे (Genral M M Naravne) पुढचे सीडीएस (CDS) होण्याची शक्यता आहे. त्यांच्याकडे ची ऑफ डिफेन्स स्टाफ कमिटीच्या अध्यक्षपदाची जबाबदारी देण्यात आली आहे. लष्कराच्या तिन्ही दलांचे जे प्रमुख असतात त्यात वरिष्ठ असणाऱ्या व्यक्तीकडे ही जबाबदारी दिली जाते. रावत यांच्यानंतर आता तिन्ही दलांच्या प्रमुखांमध्ये नरवणे वरिष्ठ असल्यानं त्यांच्याकडे ही जबाबदारी सोपवण्यात आली आहे. लष्कराचे हवाई दल प्रमुख (Airforce Chief) एअर चीफ मार्शल व्ही आर चौधरी आणि नौदल प्रमुख (Indian Navy Chief) हरि कुमार हे नवरवणेंपेक्षा ज्युनिअर आहेत.

डिसेंबर २०१९ मध्ये पहिल्यांदा सीडीएसपदी जनरल रावत यांच्या नावाची घोषणा करण्यात आली होती. त्यावेळी सीडीएस समितीचे अध्यक्षपदसुद्धा त्यांच्याकडेच देण्यात आलं होतं. त्याआधी तिन्ही दलांच्या समन्वयासाठी लष्करात चेअरमन ऑफ द चीफ ऑफ स्टाफ कमिटी पद होते. तेव्हा लष्करातील वरिष्ठ असणाऱ्या व्यक्तीकडे या पदाची जबाबदारी असायची. आता सीडीएस पद रिक्त असल्यानं सध्या तरी चीफ ऑफ स्टाफ कमिटीच्या अध्यक्षपद लष्कर प्रमुख जनरल नरवणेंकडे देण्यात आलं आहे.

सीडीएस पदावर ज्यांची नियुक्ती झाल्यानंतर नव्या सीडीएस यांच्याकडे चीफ ऑफ स्टाफ कमिटीच्या अध्यपदाची सूत्रे जातील. तिन्ही दलात सध्या वरिष्ठ असल्यानं लष्करप्रमुख जनरल नरवणे यांचीच सीडीएस पदी नियुक्ती होण्याची शक्यता आहे.

जनरल बिपिन रावत यांच्यानंतर लष्कर प्रमुख म्हणून ३१ डिसेंबर २०१९ रोजी जनरल मुकुंद नरवणे यांनी सुत्रे सांभाळली होती. ते देशाचे २८ वे लष्कर प्रमुख आहेत. त्यानंतर बिपिन रावत यांना देशाचे पहिले सीडीएस म्हणून नियुक्त करण्यात आलं होतं.