नवी दिल्ली : सुप्रीम कोर्टानं आज ५६ वकील आणि अॅडव्होकेट-ऑन-रेकॉर्ड (AoR) यांना वरिष्ठ वकील म्हणून नियुक्त केलं आहे. यामध्ये बिल्किस बानो सामुहिक बलात्कार आणि कुटुंबियांच्या हत्या प्रकरणातील वकील अॅड. शोभा गुप्ता यांना बढती मिळाली आहे. (Bilkis Bano lawyer Advocate on Record Shobha Gupta gets senior designation from supreme court)

शुक्रवारी पार पडली बैठक

सरन्यायाधीश आणि इतर न्यायाधिशांची एक बैठक शुक्रवारी पार पडली. या बैठकीत ५६ वकिलांना आणि अॅडव्होकेट ऑन रेकॉर्ड यांची वरिष्ठ वकील म्हणून नियुक्ती केली. शोभा गुप्ता या बिल्किस बानो प्रकरणात अॅडव्होकेट ऑन रेकॉर्ड आहेत. म्हणजेच त्या अशा कायदेशीर व्यावसायिक आहेत ज्या सुप्रीम कोर्टात प्रॅक्टिस करण्यास पात्र आहेत. (Latest Marathi News)

'या' लोकांना मिळाली बढती

शोभा गुप्ता यांच्यासह गौरव अग्रवाल, मोहम्मद शोएब अलाम, अमित आनंद तिवारी, स्वरुपमम चतुर्तेवदी, अर्धेंदूमाऊल कुमार प्रसाद, सुनील फर्नांडिस, तापेश कुमार सिंह आणि गगन गुप्ता या वकिलांचीही वरिष्ठ वकिल म्हणून सुप्रीम कोर्टानं नियुक्ती केली आहे. त्याचबरोबर सुप्रीम कोर्टानं १९८ नवे AoR नियुक्त केले आहेत. या सर्व नवनियुक्त AoRचं सरन्यायाधीस डी. वाय. चंद्रचूड यांनी अभिनंदन केलं आहे. यावेळी चंद्रचूड म्हणाले की, मला आनंद आहे की, अनेक महिला वकिलांनी AoR ची परीक्षा उत्तीर्ण केली. (Marathi Tajya Batmya)

घटनेच्या कलम 145 अंतर्गत सुप्रीम कोर्टानं तयार केलेल्या नियमांनुसार, केवळ वकील-ऑन-रेकॉर्ड म्हणून नियुक्त केलेले वकील सुप्रीम कोर्टात खटले दाखल करू शकतात, जे वर्षातून दोनदा AoR परीक्षा घेतात.