पणजी : माजी मुख्यमंत्री मनोहर पर्रीकर यांच्याविषयीच्या आठवणी राज्य सरकार पुस्तकरुपाने जतन करणार आहे. यासाठी पत्रकारांसह इतरांनीही पर्रीकर यांच्याविषयीच्या आठवणी लिहून माहिती व प्रसिद्धी खात्याकडे सादर कराव्यात असे आवाहन मुख्यमंत्री डॉ. प्रमोद सावंत यांनी केले आहे.

ते म्हणाले, केवळ पायाभूत सुविधा म्हणजे पर्रीकर नव्हेत. ते एक दूरदृष्टी असलेले नेते होते. समाजाशी जोडलेले नेते होते. त्यांच्या आठवणींतून त्यांच्या व्यक्तीमत्वाचे विविध पैलू उलगडत जातील. त्यासाठी हे लेखन होणे आवश्यक आहे.