दिल्ली : राजधानी दिल्लीत कोरोना रूग्णसंख्या वाढत असताना गुरुवारी दिल्ली सरकारने एक मोठी घोषणा केली आहे, सरकारकडून कोरोना व्हायरस लसीचा बूस्टर (Booster) डोस सरकारी लसीकरण केंद्रांवर मोफत दिला जाईल अशी घोषणा करण्यात आली आहे.

दिल्ली सरकारने लेखी आदेश जारी करत 18-59 वर्षे वयोगटातील सर्व लोकांना, ज्यांना 9 महिन्यांपूर्वी लसीकरणाचा दुसरा डोस घेतला आहे, त्यांना आता सर्व सरकारी लसीकरण केंद्रांमध्ये बूस्टर डोस मोफत मिळू शकेल. केंद्र सरकारच्या आदेशानुसार बूस्टर डोस फक्त खाजगी लसीकरण केंद्रावर उपलब्ध असणार आहे आणि त्यासाठी लस घेणाऱ्या व्यक्तीला पैसे द्यावे लागतील.

दिल्लीत बुधवारी कोरोनाची 1009 प्रकरणे नोंदली गेली आहेत मागील एका आठवड्यापेक्षा कमी काळआधी ही संख्या सुमारे 100 इतकी होती. त्यासोबतच सरकारने पुन्हा मास्क अनिवार्य करत मास्कवरील दंड काढून टाकण्याचा आदेश याआधीच मागे घेतला आहे. तसेच बुधवारी एका आदेशाद्वारे मास्क न वापरणाऱ्यांना 500 दंड पुन्हा लावण्यात आला आहे

दिल्ली सरकारने सांगितले की बुस्टर डोस लवकरच सरकारी रुग्णालयांमध्ये लोकांना मोफत दिले जातील. सध्या, Covishield आणि Covaxin या दोन्ही डोसची किंमत 225 रुपये आहे आणि खाजगी लसीकरण केंद्रे जास्तीत जास्त 150 रुपयांपर्यंत सेवा शुल्क म्हणून प्रति डोस आकारू शकतात. केंद्राने रविवारी खाजगी केंद्रांवर 18 वर्षांवरील सर्व लोकांसाठी कोविड लसींचा बुस्टर डोस आणला. दुसऱ्या डोस घेतल्यानंतर ज्यांनी नऊ महिने पूर्ण केले आहेत ते या बुस्टर डोससाठी पात्र आहेत.