नवी दिल्ली : सीडीएस जनरल बिपिन रावत यांच्या ताफ्याला घेऊन जाणाऱ्या लष्करी हेलिकॉप्टरला तामिळनाडू येथे भीषण अपघात झाला झाला आहे. यामध्ये चार लष्करी अधिकाऱ्यांचा मृत्यू झाला आहे. या संपूर्ण घटनेची माहिती संरक्षण मंत्री राजनाथ शिंह यांनी PM मोदी यांना दिली आहे. तसेच थोड्याच वेळात संसदेत या घटनेबाबत निवेदन सादर करणार आहेत.

या दुर्घटनेचा आढावा संरक्षण मंत्री राजनाथ सिंह घेतला. त्यासाठी संरक्षण मंत्रालयाच्या वरिष्ठ अधिकाऱ्यांची बैठक पार पडली. या बैठकीनतंर राजनाथ सिंह यांनी पंतप्रधान नरेंद्र मोदी यांना या घटनेची माहिती दिली.

दरम्यान, हवाईदल प्रमुख एअर चीफ मार्शल व्ही. आर. चौधरी तामिळनाडूतील सुलूर हवाई तळावर दाखल झाले आहेत, ते देखील या संपूर्ण घटनेचा आढावा घेत आहेत. या दुर्घटनेत पाच जणांचा मृत्यू झाला असून दोन जण गंभीर असल्याचं तामिळनाडूचे वनमंत्री के. रामचंद्रन यांनी सांगितलं.