ले. जनरलने केले कुत्र्याला सॅल्यूट, का ते पाहा...
श्रीनगर : बऱ्याचदा लष्करात खुप चांगल्या गोष्टी घडतात पण त्या बऱ्याचदा पुढे येत नाहीत. परंतू आता सोशल मिडीयामुळे बऱ्याच गोष्टी पुढे येत आहेत. पंधरावे कोर कमांडर लेफ्टिनेंट जनरल केजेएस ढिल्लन यांचा जुलै महिन्यातला एक फोटो सध्या सोशल मीडियावर व्हायरल होतो आहे.
दरम्यान, या व्हायरल झालेल्या फोटोत कमांडर ढिल्लन आणि एक कुत्रा एकमेकांना सॅल्यूट करताना दिसत आहेत. शनिवारी हा फोटो ट्वीट करण्यात आला, त्याला ढिल्लन यांनी रिट्वीट करत कॅप्शन लिहीले, "लोकांचा जीव वाचवणाऱ्याला माझा सलाम..."
याबाबत ढिल्लन म्हणाले की, ''हा फोटो 1 जुलैचा आहे. त्या दिवशी अमरनाथ यात्रा सुरू झाली होती. जेव्हा ते अमरनाथ गुफेत दर्शनासाठी जात होते, तेव्हा गुफेपासून 50 मीटर दूर स्निफर मेनका आपल्या ड्युटीवर तैनात होती. कुत्र्याने त्यांना यावेळी सॅल्यूट केले.
भारतीय लष्करातील सर्व सीनियर्सला आपल्या जुनियर्सला सॅल्यूट देण्याची परंपरा आहे. यामुळे लेफ्टिनेंट जनरल ढिल्लन यांनी सॅल्यूटला उत्तर देताना सॅल्यूट केले. हीच परंपरा सध्या चर्चेचा विषय ठरत आहे. हे सर्व सध्या सोशल मिडीयात व्हायरल होत आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.