नवी दिल्ली- लोकसभेच्या आगामी निवडणुकीसाठी कॉंग्रेसने काल (ता.08) उत्तर प्रदेश (यूपी) आणि गुजरात या दोन राज्यांसाठी पंधरा उमेदवारांची पहिली यादी जाहीर केली. या यादीमध्ये एक नाव असे आहे की ज्यांनी नरेंद्र मोदी यांचे तुकडे तुकडे करू अशी धमकी दिली होती.

काँग्रेसचे इम्रान मसूद यांचं नाव या पहिल्या यादीमध्ये जाहीर करण्यात आले असून, उत्तरप्रदेशातील सहारनपुर लोकसभा मतदारसंघातून निवडणूक लढणार आहेत. 2014मध्ये इम्रान मसूद यांनी नरेंद्र मोदींविरोधात वादग्रस्त वक्तव्य केलं होतं. 'मोदींचें तुकडे करू' असं त्यांनी म्हटले होते. मार्च 2014 च्या निवडणुकांमध्ये इम्रान मसूद यांनी अनेक वादग्रस्त वक्यव्य केली होती त्यासाठी ते जेलमध्येही गेले होते.

दरम्यान, 2014च्या निवडणुकांमध्ये मोदी लाटेत इम्रान मसूद फक्त 1000 मतांनी हरले होते. यावेळी काँग्रेसने पुन्हा एकदा त्यांना उमेदवारी दिली आहे. इम्रान मसूद यांच्या वादग्रस्त वक्तव्यांमुळे काँग्रेसला वारंवार झटका बसूनही त्यांना सहारनपूर लोकसभा मतदारसंघातून उमेदवारी देण्यात आली आहे.