भोपाळ : मध्य प्रदेशातील काँग्रेस आमदार विजय चौरे यांनी भाजप कार्यकर्त्यांना धमकी दिली आहे. त्यांचा हा व्हिडिओ सध्या सोशल मीडियावर व्हायरल होत आहे. 

ताज्या बातम्यांसाठी डाऊनलोड करा ई-सकाळचे ऍप

विजय चौरे हे सौसर विधानसभा मतदारसंघाचे प्रतिनिधित्त्व करत आहेत. त्यांनी छिंदवाडातील सभेत बोलताना हे वक्तव्य केले आहे. ते म्हणाले, काँग्रेस कार्यकर्त्यांना हात लावण्याचा प्रयत्न केल्यास चामडी सोलून काढण्यासही मागे पुढे पाहणार नाही. 

भाजप नेते परिस्थिती बिघडवत आहेत

राज्यातील भाजप नेते परिस्थिती बिघडवण्याचा काम करत आहेत, असा आरोप चौरे यांनी केला. तसेच काँग्रेस कार्यकर्त्यांच्या केसाला जरी धक्का लावण्याचा प्रयत्न केला तर चामडी सोलून काढू, अशी थेट आणि स्पष्ट धमकी त्यांनी भाजपला दिली.

आम्ही सगळ्या गोष्टींसाठी तयार

आम्ही सगळ्या गोष्टींसाठी तयार आहोत. काँग्रेसची मंडळी आम्ही आहोत. कोणत्याही अवैध, अनैतिक कामांमध्ये आमचा सहभाग नाही. अवैध कामं तुम्ही करता आणि बदनाम मात्र काँग्रेसच्या मंडळींना करता, असे ते म्हणाले.