पाच राज्यांच्या विधानसभा निवडणुकांचे निकाल १० मार्चला जाहीर झाले. उत्तर प्रदेश, पंजाब, गोवा, मणिपुर आणि उत्तराखंड या राज्यांचे निकाल जाहीर झाल्यानंतर देशभरातील राजकीय वातावरण ढवळून निघालं आहे. या सर्व निवडणूकांमध्ये काँग्रेसचा (Congress) दारून पराभव झाला आहे. एकूण पाच राज्यांत मिळूनही काँग्रेसला शंभरी पार करता आलेली नाही. त्यानंतर पक्षाने काही मोठे निर्णय घेण्यास सुरुवात केली आहे. सोनिया गांधींनी पंजाबचे काँग्रेसचे प्रदेश अध्यक्ष नवज्योत सिंह सिद्धू, उत्तर प्रदेशचे अजय लल्लू, उत्तराखंडचे गणेश गोदियाल, गोव्याचे गिरीष चोडणकर आणि मनिपुरच्या एन. लोकेन सिंह यांना राजीनामे मागितले आहेत.

सोनिया गांधींच्या आदेशानंतर उत्तराखंडचे काँग्रेसचे अध्यक्ष गणेश गोदियाल यांनी पदाचा राजीनामा दिला आहे. विधानसभा निवडणुकीत पक्षाच्या पराभवाची नैतिक जबाबदारी स्वीकारून मी आज राजीनामा सादर केला आहे, असं ते म्हणाले.