बंगळूर : राज्यात कोविडचे (Coronavirus) जेएन-१ व्हेरियंट (Covid JN-1 Variant) वाढत असून त्याच्या पार्श्वभूमीवर राज्यात पुन्हा लसीकरण मोहीम (Vaccination Campaign) राबविण्यात येणार आहे. सरकार दोन जानेवारीपासून राज्यात कोर्बीवॅक्स (Corbevax Vaccine) लस देणार असल्याची माहिती मिळाली आहे.

केंद्र सरकारच्या मार्गदर्शक सूचनांनुसार ही लस देण्यात येईल. राज्यातील १.५ कोटींहून अधिक लोक प्रतिबंधात्मक लस घेण्यास पात्र आहेत. आतापर्यंत राज्यातील दीड कोटींहून अधिक लोकांना तिसऱ्या डोसची लस मिळालेली नाही.

या पार्श्वभूमीवर आरोग्य विभागाने (Health Department) पुन्हा प्रतिबंधात्मक लसीकरण करण्याचा निर्णय घेतला आहे. सरकारने प्राथमिक टप्प्यात ३० हजार कोर्बिवॅक्स लस खरेदी करण्याचा निर्णय घेतला आहे. तसेच आरोग्य विभागाने कोरोना विषाणूबाबत खबरदारी घेण्याचं आवाहन केलं आहे.