नवी दिल्ली : कोविडचा JN.1 व्हेरियंट वेगानं पसरत आहे. देशासह महाराष्ट्रातही सध्या कोविडचे अनेक रुग्ण आढळून आले आहेत. यापार्श्वभूमीवर दिल्ली येथील इन्स्टिट्यूट ऑफ इंटरनल मेडिसिन अँड रेस्पिरेटरी अँड स्लीप मेडिसिनचे अध्यक्ष आणि मेदांता येथील वैद्यकीय शिक्षण संस्थेचे संचालक डॉ. रणदीप गुलेरिया यांनी हा व्हेरियंट इतक्या वेगानं का पसरतोय याचं कारण सांगितलं आहे. (Covid JN.1 update why is variant of Covid spreading rapidly in the country says Health experts Sumeet Guleria)

नवा व्हेरियंट वेगानं का पसरतोय?

डॉ. गुलेरिया म्हणाले, "नवीन कोविड व्हेरियंट JN.1 हा प्रबळ व्हेरियंट म्हणून उदयास येत आहे. तो वेगानं पसरतोय कारण तो अधिक संक्रमणक्षम आहे आणि त्यात रोगप्रतिकारक शक्ती आहे. पण यामध्ये चांगली गोष्ट अशी आहे की, कोविडच्या प्रकरणांमध्ये वाढ झाली असली तरी रुग्णालयात दाखल रुग्णांची आणि मृत्यूंमध्ये वाढ झालेली नाही. त्यामुळं, हा एक सौम्य प्रकार आहे" (Latest Marathi News)