उत्तर प्रदेशमधील भदोही येथील १४ वर्षांच्या अल्पवयीन मुलीला मुंबईत आणून तब्बल पाच महिने तिच्यावर सामूहिक अत्याचार केल्याची घटना समोर आली आहे. या प्रकरणी उत्तर प्रदेश पोलिसांनी एका आरोपीला अटक केलीये. (Crime case)

घटना अशी की, फेब्रुवारी महिन्यात भदोही गावात राहणाऱ्या १४ वर्षांच्या मुलीला गावातील ४५ वर्षांच्या नराधमाने फूस लावत मुंबईत आणले. यानंतर त्याच्यासह २३ वर्षांचा तरुण आणि आणखी एका व्यक्तीने मुलीवर सामूहिक बलात्कार केला. तब्बल पाच महिने मुलीवर अत्याचार सुरू होते. जून अखेरीस पीडितेने संधी मिळताच घरातून पळ काढला आणि थेट रेल्वे स्टेशन गाठले. गावी परतल्यावर पीडितेने घडलेल्या प्रकाराची माहिती कुटुंबीयांना दिली. पीडितेच्या वडिलांनी याप्रकरणी पोलिसांकडे तक्रार दाखल केली असून पोलिसांनी मुलीवर अत्याचार करणाऱ्या २३ वर्षांच्या तरुणाला अटक केलीये. तर अन्य आरोपींचा पोलिस शोध घेत आहेत.