Crime News:एका ३० वर्षीय व्यक्तीला आपल्या पत्नीच्या हत्येच्या आरोपाखाली कोलकाता पोलिसांनी अटक केली. हा व्यक्ती एक शिक्षक आहे आणि त्याचं कार घेण्याच्या कारणावरुन बायकोशी भांडण झालं होतं.

पोलिसांनी सांगितलं की संशयित सुर्यकांत तिवारी याने आधी आपल्या पत्नीची हत्या केली आणि नंतर ही आत्महत्या आहे, असं दर्शवण्यासाठी बायकोचा मृतदेह पेटवून दिला. मात्र, जेव्हा शरीरविच्छेदनाचा अहवाल समोर आला, तेव्हा त्याचं पितळ उघडं पडलं. पोलिसांकडून सांगण्यात आलं की,"शवविच्छेदन अहवालात समोर आलं की महिलेच्या डोक्यावर आधी जड वस्तुने आघात करण्यात आला, ज्यामुळे तिचा मृत्यू झाला. त्यानंतर महिलेच्या मृतदेहाला आग लावण्यात आली. "

पोलिसांनी केलल्या प्राथमिक तपासातून समोर आलं की या जोडप्याच ४ महिन्यांधी लग्न झालं होतं. ते मूळचे उत्तरप्रदेशचे होते आणि ते कोलकाता या ठिकाणी राहत होते. १७ ऑक्टोबरच्या दिवशी पोलिसांना माहिती देण्यात आली की एका फ्लॅटमधून धूर येत आहे. जेव्हा पोलीस अधिकारी घटनास्थळी पोहोचले, तेव्हा तिवारींनी सांगितलं की त्यांची पत्नी दिप्ती शुक्लाने आत्महत्या केली.

पत्नीने स्वत:ला आग लावत आत्महत्या केली, असा बनाव त्याने रचला. मात्र, पोलिसांना त्याच्या स्टेटमेंटमध्ये विसंगतपणा दिसून येत होता. त्यानंतर पोलिसांनी मृतदेह शवविच्छेदनासाठी पाठवला आणि संशयिताला प्रश्न केले.

शवविच्छेदन अहवाल समोर आल्यावर हे उघड झाले की ही आत्महत्या नसून खून आहे. त्यानंतर संशयित पतीची पोलिसांनी कसून चौकशी केली. त्यानंतर संशयिताने आपल्या गुन्ह्याची कबुली दिली. चौकशीदरम्यान त्याने सांगितलं की त्याचे पत्नीशी कार खरेदी करण्यावरुन भांडणं झाली होती. (Latest Marathi News)